Reth Nesh

Shtëpia botuese “Muza” u themelua më 1 korrik 2019. Si një institucion kulturor, ne synojmë t’i shërbejmë shoqërisë nëpërmjet botimeve cilësore, risive në ide, promovimit të kulturës së leximit dhe besimit që ne kemi se libri ka fuqi të jashtëzakonshme për të ndryshuar jetën e njeriut.
Duke përqafuar teknologjitë e reja dhe duke bashkëpunuar me autorët apo përkthyesit në çdo fazë të procesit të botimit – nga redaksia dhe dizajni, nga prodhimi dhe shpërndarja e deri te shitjet dhe marketingu – ne do të jemi gjithnjë sa më pranë shijeve të lexuesve.
Katalogu ynë i botimeve përfshin librat e ilustruar për fëmijë dhe të rinj, tekste shkollore dhe materiale edukative dhe argëtuese, novela e romane për të rritur, vepra poetike, përmbledhje studimore e shkencore, fjalorë e atlase. Për rrjedhojë, Shtëpia Botuese “Muza” iu drejtohet të gjitha llojeve të lexuesve.